გადასარევი გიორგის გვერდი
როგორი სიმბოლურია - ხვიჩა კვარაცხელია თავის პირველ შეხვედრას
საფრანგეთში რეიმსთან ჩაატარებს!
მოგეხსენებათ რეიმსი ის ქალაქია, სადაც საფრანგეთის მეფეების კორონაცია ხდებოდა. ჟანა დარკმაც აქ, რეიმსის საკათედრო ტაძარში, 1429 წლის 17 ივლისს აკურთხებინა მეფედ შარლ მეშვიდე. მართალია შეხვედრა პარიზში გაიმართება, მაგრამ ეს ამ სიმბოლურ ამბავს სრულიად არ უკარგავს მნიშნელობას. 25 იანვარს ღამე, როდესაც 12 საათი გახდება და დაიწყება 26 იანვარი, 5 წუთში დაიწყება ეს თამაში - სადაც პარიზელი გულშემატკივრები ჩვენ ხვიჩას აპლოდისმენტებით და ოვაციებით შეხვდებიან!
ვუსურვოთ მას ეფექტური, ლამაზი, შედეგიანი დასაწყისი და წარმატებები! წინ ხვიჩა!
26 იანვარი 00:05 წუთი (25 -26 იანვრის ღამე)
მანჩესტერ სიტისთან ჩატარებულმა ჩემპიონთა ლიგის თამაშმა ჩემზე შთაბეჭდილება მოახდინა,
ვეჭვობ თქვენზეც. ნაპოლისთან შედარებით ესაა ბევრად უფრო მაღალი კლასის გუნდი და თუ თანაგუნდელებიც ისეთივე "ღორები" არ აღმოჩნდნენ (დი ლორენცოს და ანგისას გამოკლებით ალბათ), როგორც ნაპოლიში ჰყავს კვარას, მემგონი ხვიჩა კვარაცხელიასთვის საფრანგეთის ლიგა და ეს გუნდი
თავისი ნიჭის გამომჟღავნების მშვენიერი საშუალებაა. იმედია გუნდელები აქ აღარ იეჭვიანებენ და რაც მთავარია დავინახავთ იმ მოკლე "კედელს", რომელსაც ხვიჩა ამაოდ ელოდა ხოლმე ნაპოლიში.
მახსოვს პიოტრ ზელინსკისთან გათამაშებული რამოდენიმე ასეთი კედელი საჩემპიონო სეზონში და მგონი მერეც, მაგრამ დანარჩენთან ეს არ გამოდიოდა. მისცემდა ხვიჩა ვინმეს პასს, გაეხსნებოდა და რად გინდა :) სადაა უკან ბურთი? ხოლო რაც შოტლანდიელი მაკტომინეი მოვიდა გუნდში, საერთოდ აღარ იყურებოდა მარცხენა ფლანგზე. მოკლედ თუ ბარკოლია და ხვიჩა ერთად იქნებიან მოედანზე მგონი მარცხენა ფლანგსა და ცენტრში სასწაულებს უნდა ველოდოთ. დემბელესთან ერთად კი შეტევა თვისობრივად განსხვავებულ დონეზე ავა.
არ იციან ჯერ ფრანგებმა - რა შემართება და სულისკვეთება მოაქვს კვარას თან მოედანზე თავის მეგობრებთან. ძალიან საინტერესოა "დღევანდელ-ხვალინდელი" თამაში.
პარი-სენ-ჟერმენმა მანჩესტერ სიტი - ანგარიშით - 4:2 დაამარცხა !!!
ფრანგების საოცარი გამარჯვება პარკ დე პრენსზე. ვულოცავთ ყველა ამ გუნდის გულშემატკივარს. ჩვენ ვხედავთ, რომ თამაშიდან, ხასიათიდან, შემართებიდან, განწყობიდან გამომდინარე ქართველ გულშემატკივარს ხვიჩა კვარაცხელიას გულშემატკივრობა ჩემპიონთა ლიგაში შესაძლოა ფინალის ჩათვლით მოუწიოს, თუ კვარა და კომპანია თავის თამაშს იპოვნიან! წარმატებები ხვიჩას და გუნდს.
სენ-ჟერმენი წინ გადის!!!
ამ წუთას 77 -ე წუთი მიმდინარეობს თამაშისა "პარი-სენ-ჟერმენი - მანჩესტერ სიტი", ანგარიში 2:2ია! და ეხლა 78 წუთზე , ზუსტად ამ სიტყვებს, რომ ვწერდით :)) გოოოლ!! პარიზმა მესამე გაიტანა! სასწაულ თამაშს აჩვენებს გუნდი. 3:2 ! და 81 ნომერი, ჟოაო ნევეში, პორტუგალიელს გაჰყავს ფრანგები წინ!
ცხადია პარიზი ერთი თავით უფრო მაღალი დონის გუნდია, ვიდრე ნაპოლი!
შენ - ჩვენი გვერდის პირველი ნაბიჯების შემსწრე ხარ!
კეთილი იყოს შენი შემოსვლა!
ჩვენ და ხვიჩა ერთად ვიწყებთ :)
ჩვენ ვებ-გვერდის გაძღოლას - კვარა
გულშემატკივრების გადარევას!
ხვიჩა კვარაცხელიას პირველი ვარჯიში PSG - ში
დღეს ჩვენთვის საინტერესო თამაშია
ლუის ენრიკეს "პაღი -სან- ჟაღმან" ხვდება ხოსეპ გვარდიოლას
"მან სიტის". ვგულშემტკივრობთ პარიზს, რადგან ჩვენი ხვიჩას
ჩემპიონთა ლიგაზე ამავე წელს თამაში, სწორედ ამ უკანასკნელის ქულებზე გადის. დღეს 22 იანვარს, ღამე - 12 რომ დააკლდება (ასე ვთქვათ) 1 წუთი, მაშინ იწყება ეს თამაში.
ამ გვერდს ჩავუდგებით სათავეში - გადასარევი გიორგი და კაპიტან გარდენბურგი.
კვარა ჩვენ საიტზე
ვგეგმავთ ხვიჩაზე ბევრ საუბარს, მოეწონება ეს ვინმეს თუ არა, რადგან მიგვაჩნია ის სრულიად გამორჩეულ ფეხბურთელად, პიროვნებად, ადამიანად. მისი გადასვლით პარი სენ ჟერმენში იწყება ახალი ერა ქართულ ფეხბურთში და ჩვენც ამ ამბავთან დაკავშირებით ვხსნით ჩვენ ახალ ვებ გვერდს.
ჩვენ გვერდზე ვისაუბრებთ სრულიად თავისუფლად, რასაც ვფიქრობთ ისეთ საკითხებზე, რაც ჩვენი აზრით მეტ სტიმულს მისცემს როგორც ამ ბიჭს, ასევე სხვა ფეხბურთელებს (რომლებზეც ცხადია ასევე იქნება ხოლმე საუბარი), ასევე გულშემატკივრებს გვინდა სხვა კუთხით დავანახოთ ხოლმე მატჩები , თამაშის გარჩევა და შეხედულებები ჩვენი ფეხბურთის თავისებურებებზე და ასე.შ.
შაბლონურ, "ვინმეს შემთხვევით არ ეწყინოს და ამიტომ ვასიამოვნოთ ყველას" - ქართველი (ყველაზე არაა ცხადია საუბარი) კომენტატორების საშინელ მიდგომას არანაირად არ გავიზიარებთ და გვინდა ვცადოთ თამამი, დამოუკიდებელი, სწორი, სტიმულის მომცემი, ლაღი და მხიარული, ზოგჯერ ბრაზიანი და სამართლიანი, ზოგჯერაც ცოცხალი მიდგომით მეტი ენთუზიაზმი შემოვიტანოთ ჩვენ "საფეხბურთო" და არასაფეხბურთო ყოველდღიურობაში :)
გისურვებთ თქვენც და ჩვენც წარმატებებს!
კაპიტან გარდენბურგი
გადასარევი გიორგი
დილის ყავასთან
ან საღამოს, ლუდთან
ჩვენი სტატიები აუცილებელი პირობაა!
თუ შენ გიყვარს კითხვა "გადასარევი გიორგის" და "კაპიტან გარდენბურგის" განსაკუთრებული ანალიზების, გარჩევების - ჩვენთვის ყველასთვის საინტერესო "ფეხბურთის" შემდეგ :)
_________________________________________________________________________________________________________________________________________________________________________________________
სპეციალური შემოთავაზება
Თვენი რეკლამა შეიძლება აქ განთავსდეს!
თუმცა ყველა სახის რეკლამა არა ...
ჩვენ ვუფრთხილდებით ჩვენ სტუმრებს, საკუთარ სტილს და ვიცავთ გარკვეულ შეხედულებებს.
დაკავშირება
გვერდზე ატვირთული ტექსტური მასალა დაცულია საავტორო უფლებებით
ნებისმიერი სახით მისი საჯარო სივრცეში დაკოპირება-გაზიარებისას, საკუთარ გვერდზე ატვირთვისას და სხვ. უნდა იყოს მითითებული წყაროდ - ჩვენი ვებ -გვერდი და სტატიის ავტორები:
კაპიტან გარდენბურგი
და
გადასარევი გიორგი
გმადლობთ ყურადღებისთვის :)
(you must be logged in to Facebook to see comments).